منتدى طلبة الطب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


نتبادل الخبرات والمعلومات الطبية
 
الرئيسيةأحدث الصورالتسجيلدخول

 

 نبذة عن مواد أولى طب

اذهب الى الأسفل 
+7
احمد الزهراني
Dr.LoOoLY
وهاب
salima
Dr.Emoo
د.ود
حـــــزين
11 مشترك
كاتب الموضوعرسالة
حـــــزين
طبيب ماسى
طبيب ماسى



ذكر عدد الرسائل : 88
الفرقة الدراسية أو العمل : الخامسة
تاريخ التسجيل : 27/11/2007

نبذة عن مواد أولى طب Empty
مُساهمةموضوع: نبذة عن مواد أولى طب   نبذة عن مواد أولى طب Expire1013.12.07 21:58

بسم الله الرحمن الرحيم
فى البدايه احب ارحب باطباء المستقبل طلبة الفرقه الاولى
و اهنيهم بالتحاقهم بكلية الطب
و ان شاء الله يجدوا فيها ما يتمنوه
و تكون بداية حياه جديده سعيده عليهم ان شاء الله
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
انا بس حبيت اكلمكم شوية عن المواد اللى حتاخدوها ان شاء الله فى سنه اولى و اعرفكم عليها و ايه نظام دراستها و بتاخدوا فيها ايه و الكلام دا كله .....
طبعا اكيد كلكم عارفين ان فيه اربع مواد
اللى هما التشريح و الهستولوجى و الفسيولوجى و الكيمياء الحيويه (البيو كيمسترى)
ان شاء لله نحاول نتكلم عنهم واحده واحدههنبدأ بالتشريح اللى هو ال anatomy
التشريح هوعلم دراسة اعضاء الجسم
يعنى ايه؟
اقولك طبعا كلنا عارفين ان العالم له خريطه
ابص على الخريطه دى اعرف مكان كل دوله و ايه موقعها بالنسبه لدول الجوار و من اللى فى شمالها و اللى فى جنوبها و هكذا
كده كمان علم التشريح
العلم اللى بيدرس جغرافيا الجسم
و كأنك بعد دراسته حتعرف خريطة الجسم
تعرف مكان كل عضو و موقعه بالنسبه لباقى الاعضاء و هكذا
بيتقسم التشريح الى عدة كتب
كل كتاب بيهتم بدراسة جزء معين من اجزاء الجسم
فى اولى مثلا حتاخد
upper limd الطرف العلوى
thorax الصدر
abdomen البطن
pelvis الحوض
بالاضافة لعلم الاجنه اللى هو ال
embryology

طبعا فيه كتاب كمان بسيط بتبدأوا بيه اول السنه اسمه ال
introduction
دا فيه مقدمه عن الجسم عموما
و ايه الالفاظ المستخدمه فى التشريح او بالاصح فى وصف الجسم
و تركيب الجسم من عظام الى غير ذلك
يعنى يديك نظره عامه عن الجسم كله و اجزاءه و ايه العظام الموجوده فى كل جزء
و تقريبا كلكم عارفين الكلام ده
الفرق الوحيد انكم حتاخدوه بالانجليزى
و دا تقريبا مبياخدش فى ايد الدكتور اكتر من اسبوعين تلاته
تيجى بقى ع المهم الل هو
upper limb الطرف العلوى
طبعا فى البداية خالص قبل ما تبدأ دراسة اى جزء فى الجسم لازم تدرس العظم اللى فيه و دا بيكون مشروح فى اول الكتاب
و اللى بيتولى شرح العظم غالبا هيا السكاشن مش المحاضرات
و غالبا ما بيجيش فى امتحان النظرى منه الا حاجات معينه و مش فى كل الفروعبس طبعا مهم جدا انك تكون ماكره عشان تفهم اللى جاى
بعد العظم ما يخلص تبدا بقى فى دراسة الطرف العلوى بالتفصيل
و هو بيتقسم لكذا منطقه
تبدا ب المنطقه الصدريه اللى هيا بتوصل الذراع بالصدر و تسمى
pectoral region
بعد كده تاخد منطقة العضد اللى هيا ال
arm
و بعدين الساعد
forearm
و فى الاخر اليد
hand
طب حتاخد ايه بقى فى كل منطقه؟!!
ببساطه حتاخد كل حاجه موجوده فى المنطقه دى و تدرسها
زى ايه مثلاا؟؟
اول حاجه هيا العضلات
muscles
دى حتاخد فيها العضلات الموجوده فى المنطه دى
و فى كل عضله بتعرف اربع حاجات
origin اللى هو منشأ العضله يعنى العضله لها نهايتين البدايه و النهايه دى بقى المكان الى بداية العضله ماسكه فيه
insertion دا المكان اللى نهاية العضله بتمسك فيه
action دا اسم الحركات اللى بتقوم بيها العضله دى عند انقابضها
nerve supply و دا اسم العصب اللى مغذى العضله دى
دول اهم اربع حاجات لازم تعرفهم فى كل عضله
احيانا بعد العضلات لاهمية المكان اللى موجوده فيه و اهمية الاعضاء اللى حواليها بتاخد كمان نقطه اللى هيا
relation بمعنى العلاقات بتاعة العضله دى باللى حواليها
يعنى مين قدامها و مين وراها و من جنبها و هكذا و النقطه دى مش فى كل العضلات ...بعضها فقط
كده تبقى انت خلصت جزء العضلات
و ندخل على حاجه تانيه
ايه الاوعيه الدمويه اللى ماشيه فى المنطقه دى؟؟
حتقولى الاوعيه عباره عن شرايين و اورده
حقولك صح
انت بقى حتدرس الشرايين بالتفصيل فى كل منطقه
حتقول طب و الاورده راحت فين؟!!
حقولك دى كلها بتدرسها فى اخر الكتاب على بعضها
يعنى اورده الكتاب كلها مع بعض فى بتاع خمس صفحات ولا حاجه
ليه؟؟؟
لانها غالبا بتكون موجوده فى الطبقه تحت الجلديه فملهاش اهمية تشريحيه كبيره تستدعى سرد كل وريد على حده
فبيتم تجميع اورده الكتاب كله فى اخره
الشررايين بقى...
بتاخد فى كل شريان
origin يعنى منشأ الشريان يعنى مثلا شريان منشأه انه طالع من الاورطى.... شريان تانى طالع من كذا..... تالت من كذا و هكذا
end دا اللى هو مكان نهاية الشريان ده و بينتهى الى ايه......... يعنى مثلا يكمل بس اسم تانى على اساس انه داخل منطقه تانيه .......او يتفرع الى فروع باسامى اخرى و هكذا
تيجى بقى للمهم
course يعنى الشريان ماشى ازاى مثلا تقول هو ماشى قدام العضله الفلانيه و فى المنطه كذا حود شمال و كمل لقدام و عند المنطقه كذا عبر الشىء الفلانى من الجنب اليمين للشمال و بعدين اخترق العضله كذا عشان يظهر من الجهه الخلفيه لها و هكذا
يعنى بتشرح مساااااااااااره ازاى فى الجسم
branches دى اللى هيا فروع الشريان ده و كل فرع اسمه ايه و هل هو كمان بيدى فروع و لا لأ و ماشى ازاى فى الجسم و هكذا
relation اللى هيا علاقة الشريان بما حوليه من اعضاء اخرى قدامه وراه جمبه .....
بعد الشرايين تاخد الاعصاااااااب
nerves
و تاخد فيها نفس النقاط اللى خدتها فى الشريان
بنفس النمط الا انك المره دى بتتكلم عن عصب مش وعاء دمووى
فى النهايه لو كان فيه حاجه مميزه فى المنطقه دى بتدرسها هيا كمان
زى ايه؟؟
اقولك ...
فى المنطقه الصدريه مثلا موجود الابط
الابط دا بتاخده درس لوحده
هو عباره عن مكان مجوف
تاخد بقى ايه الحوائط بتاعته و ايه اللى بيعمل كل حيطه Very Happy
و تاخد الحاجات اللى موجوده داخل هذا التجويف يعنى تعمل دراسه خاصه ليه بكل ما يتعلق بيه من الناحيه التشريحيهفاضل أنى انبه ان الكلام اللى قولته فوق كله اهم حاجه فيه انك تذاكر برسومات و تكون رسومات نضيفه
مش قولنا فى الاول جغرافيا
فيه جغرافيا تذاكر من غير خريطه
اهيا الرسمه دى خريطة الجسم
تبص عالخريطه و تقول
تبص عالخريطه قصدى عالرسمه و توصف
و ان شاء الله القسم بيدربكوا عالرسم فى السكاشن اول بأول
بالاضافه الى انك تستعين بأطالس فى المذاكره
كل حاجه حتبقى تمام ان شاء اللهعاوز بقى اقول كلمتين عن الدكاتره و شرحهم فى المحاضرات و الكورسات و الكلام ده
اولا الدكاتره اللى بيشرحوا فى المحاضرات كلهم كويسين
و كلهم محاضراتهم تستاهل انك تخش تحضرها كلها

و طبعا لازم تحضرها عشان تعرف بيقولوا ايه فى المحاضرات لانهم بيجيبوا الكلام دا كله فى الامتحان
و بيضيفوا حاجات مش فى الكتاب و الكلام دا كله مهم طبعا للامتحان فدا لازم تحضروله ان شاء الله
نيجى بقى للكورسات
انا شايف انها مش مستاهله كورس خااالص طالما انت بتذاكرها اول بأول و بتستعين بأطالس تساعدك فى المذاكره و بتحضر السكاشن و المحاضرات
يبقى مش محتاج انك تاخد كورس ان شاء الله
و باذن الله كلكوا تجيبوا امتيازات و ترفعوا الرايه تانى [/center]
الرجوع الى أعلى الصفحة اذهب الى الأسفل
د.ود
طبيب جديد
طبيب جديد



انثى عدد الرسائل : 2
الفرقة الدراسية أو العمل : طالبه
الدولة : نبذة عن مواد أولى طب Saudi_10
تاريخ التسجيل : 26/08/2009

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1027.08.09 22:10

مشكور على هذ المعلومات القيمه
فانا محتاجه لها مرة
الله يعطيك العافيه
الرجوع الى أعلى الصفحة اذهب الى الأسفل
Dr.Emoo
طبيب جديد
طبيب جديد
Dr.Emoo


انثى عدد الرسائل : 3
الفرقة الدراسية أو العمل : سنة آولى طــب
الدولة : نبذة عن مواد أولى طب Saudi_10
تاريخ التسجيل : 04/10/2009

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1004.10.09 11:52

[b]
يعطيك العافيه مرره رهيب موضوعك واستفدت منه ....
لاتحرمنا من كذا مواضيع ..[/
b]
الرجوع الى أعلى الصفحة اذهب الى الأسفل
salima
طبيب جديد
طبيب جديد



انثى عدد الرسائل : 8
العمر : 30
الفرقة الدراسية أو العمل : etudiante
مزاجى : نبذة عن مواد أولى طب S3eed10
الدولة : نبذة عن مواد أولى طب Algeri10
تاريخ التسجيل : 06/02/2010

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1018.08.10 21:19

merciiiiiiiiiiiii
الرجوع الى أعلى الصفحة اذهب الى الأسفل
وهاب
طبيب جديد
طبيب جديد



ذكر عدد الرسائل : 1
الفرقة الدراسية أو العمل : ممرض
الدولة : نبذة عن مواد أولى طب Algeri10
تاريخ التسجيل : 24/08/2010

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1024.08.10 1:47

شكرا جزيلا على المقدمة الجيدة
الرجوع الى أعلى الصفحة اذهب الى الأسفل
Dr.LoOoLY
طبيب جديد
طبيب جديد



انثى عدد الرسائل : 2
الفرقة الدراسية أو العمل : ثاني ثنوي
الدولة : نبذة عن مواد أولى طب Saudi_10
تاريخ التسجيل : 30/08/2010

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1030.08.10 5:13

يسلمو على الموضوع
الرجوع الى أعلى الصفحة اذهب الى الأسفل
احمد الزهراني
طبيب جديد
طبيب جديد



ذكر عدد الرسائل : 9
الفرقة الدراسية أو العمل : طب
الدولة : نبذة عن مواد أولى طب Saudi_10
تاريخ التسجيل : 01/09/2010

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1004.09.10 5:23

الله يعطيك العافيه على هذا الموضوع يستاهل والله عشره من عشره
انا من زماااااان ادور على واااحد زيك يعطييييك المختصرالمفيد بشمولييييه
وشكرا
الرجوع الى أعلى الصفحة اذهب الى الأسفل
Dr.no0ona
طبيب جديد
طبيب جديد



انثى عدد الرسائل : 6
الفرقة الدراسية أو العمل : طالبه
الدولة : نبذة عن مواد أولى طب Saudi_10
تاريخ التسجيل : 15/10/2010

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1016.10.10 19:07

الله يعطيك العافيه يارب مرة حلو انو الواحد يعرف ايش حيدرس وتكون عندو خلفيه عشان كدا مرررررررة شكرا
الرجوع الى أعلى الصفحة اذهب الى الأسفل
فواز الغامدي
طبيب جديد
طبيب جديد



ذكر عدد الرسائل : 2
الفرقة الدراسية أو العمل : الثانوية
الدولة : نبذة عن مواد أولى طب Libya10
تاريخ التسجيل : 04/10/2011

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1004.10.11 20:51

بالله حبيت أسئل هو هو صعب ام متوسط ام سهل

الرجاء الارسال على الخاص شكرأ
الرجوع الى أعلى الصفحة اذهب الى الأسفل
وليد
طبيب جديد
طبيب جديد



ذكر عدد الرسائل : 11
الفرقة الدراسية أو العمل : طالب جديد
مزاجى : نبذة عن مواد أولى طب Jade10
الدولة : نبذة عن مواد أولى طب Palest10
تاريخ التسجيل : 11/06/2012

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1017.06.12 0:33

يعطيك ألف ألف عافية بس كيف اللغة الإنجليزية ما تصعب الأمور شوي ؟أتمني ترد بسرعة
الرجوع الى أعلى الصفحة اذهب الى الأسفل
زياد البرح
طبيب جديد
طبيب جديد



ذكر عدد الرسائل : 2
الفرقة الدراسية أو العمل : الثانوية العامة
الدولة : نبذة عن مواد أولى طب Yemen10
تاريخ التسجيل : 08/09/2012

نبذة عن مواد أولى طب Empty
مُساهمةموضوع: رد: نبذة عن مواد أولى طب   نبذة عن مواد أولى طب Expire1009.09.12 10:53

أشكرك على هذه المعلومات المفيدة
الرجوع الى أعلى الصفحة اذهب الى الأسفل
 
نبذة عن مواد أولى طب
الرجوع الى أعلى الصفحة 
صفحة 1 من اصل 1
 مواضيع مماثلة
-
» محاضرات فسيولوجى سنة أولى وتانية .. physiology lectures
» جدول امتحان نصف العام أولى وتانية بشرى اسكندرية
» نبذة عـن الطب البــــديل
» نبذة عن العلاج الطبيعي
» نبذة عـن الطب البــــديل

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة الطب :: الدراسة وسنينها :: قبل أن تدرس الطب أو الصيدلة-
انتقل الى: