نتبادل الخبرات والمعلومات الطبية
 
الرئيسيةس .و .جالأعضاءالمجموعاتبحـثالتسجيلدخول

شاطر | 
 

 كل ما تريد عن الزمالة البريطانية في الجراحة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حالم بالنجاح
طبيب موسوعى
طبيب موسوعى
avatar

ذكر عدد الرسائل : 109
الفرقة الدراسية أو العمل : لسه مش دكتور
مزاجى :
تاريخ التسجيل : 01/12/2007

مُساهمةموضوع: كل ما تريد عن الزمالة البريطانية في الجراحة   02.12.07 16:12

بسم الله الرحمن الرحيم

زمالة كلية الجراحين الملكية ببريطانيا

MRCS

Membership of Royal College of Surgeons



نبدأ الكلام عن الزمالة البريطانية في الجراحة بشوية تعريفات كده بسيطة.


أولا : يعني ايه زمالة كلية الجراحين الملكية ؟

زمالة كلية الجراحين هي دبلومة في انجلترا وايرلندا لممارسة الجراحة سواء كانت الجراحة العامة او الجراحات الخاصة.



ايه هي محتويات الزمالة؟
زمالة الكلية الملكية بتتكون من 3 مراحل كالعادة [img:5938]http://www.egymedicine.com/forums/images/smilies/30[1].gif[/img:5938]:

المرحلة الأولى : وهي امتحان Applied Basic Sciences و Anatomy .
المرحلة الثانية : وهي امتحان Surgery
المرحلة الثالثة : وهي الامتحان الكلينيكال والشفوي.



ثالثا: امتى اقدر اذاكر وادخل الامتحان :


المرحلة الاولى تشترط فقط حصولك على البكالريوس (اي وانت في امتياز) تقدر تدخل تمتحن

المرحلة الثانية تشترط فيها بالطبع النجاح في المرحلة الاولى و قضاء فترة في BST = Basic surgical training وده بيتطلب امضاء استشاريين اللي اشتغلت معاهم

بمعنى اخر : يشترط لدخول المرحلة الثانية انك تكون شغال جراحة من اول التكليف.

المرحلة الثالثة : وهي امتحان الكلينيكال والشفوي. ودي للناجحين في كلتا المرحلتين السابقتين وبتكون حالات وشيتات.



رابعا: ايه الفترة اللي ممكن ادخل فيها الامتحان؟


المرحلة الاولى مممكن تمتحنها في اي وقت عادي بعد التخرج والمرحلة الثانية ايضا بعدها بعد قضاء الفترة المطلوبة في التدريب الجراحي.

بس خد بالك: بعد أول محاولة ليك في المرحلة الثانية بيكون قدامك بس 3 سنين ونصف عشان تدخل الكلينيكال يعني بعد ما تدخل اول محاولة للمرحلة التانية العداد بيحسب عليك . ولو مدخلتش في التلات سنين ونص هتضطر تعيد المرحلة التانية تاني.




خامسا : هل يشترط الترتيب في دخول المرحلة الاولى والثانية؟


لا يشترط ممكن تدخل الاولى او الثانية براحتك حسب اللي يريحيك لكن تبديل الترتيب لا يعفيك من ان هيكون قدامك 3 سنين ونص برده على الكلينيكال .

بمعنى آخر: لو دخلت المرحلة الثانية قبل الاولى هيكون قدامك 3 سنين ونص لازم تخلص فيهم المرحلة الاولى والكلينكال وده صعب جدا.[img:5938]http://www.egymedicine.com/forums/images/smilies/21[1].gif[/img:5938]




سادسا: ايه مواعيد الامتحانات واماكن الامتحانات؟

مواعيد الامتحانات بتكون في شهر يناير وابريل وسبتمبر من كل سنة.

واماكن الامتحانات بتكون في القاهرة الحمد لله والقاهرة بتعد من الاماكن القليلة في الشرق الاوسط اللي بيعقد فيها الامتحان .

والممتحنين بيكونوا دكاترة انجليز ومصريين والمصريين مقعدين للاسف .




سابعا: أيه الكتب المنصوح بيها للمزاكرة في الزمالة

المرحلة الاولى بينصح فيها بالكتب التالية :

Ellis Anatomy
Applied basic sciences "Andrew Rafter". j
Intercollegiate MRCS Book 1,2

بالإضافة الى كتب الاسئلة طبعا

ولا بد من حل حوالي 10 الى 15 الف سؤال قبل دخول الامتحان [img:5938]http://www.egymedicine.com/forums/images/smilies/36_1_39[1].gif[/img:5938]




ثامنا : ماهو مستقبل الزمالة البريطانية؟



الموضوع له شقين:

الشق الاول هو هل يجب اني اسافر انجلترا؟

طبعا الجراحات الخاصة لابد بعد امتحان المرحلة الثالثة انك تقضي فترة 5 سنين في انجلترا او ايرلندا او استراليا تحت اشرافهم حتى يتسنى لك الحصول على التخصص.

ولا يعترف بالزمالة البريطانية في الجراحات الخاصة إلا بعد قضاء تلك الفترة في مستشفى معترف بيها في انجلترا او دولة من دول الكومنولث.

الشق الثاني: طيب لو ماسافرتش انجلترا هيحصل ايه؟

هتقضي الفترة في اي مستشفى في مصر او في دول الخليج او اي دولة كانت وتبقى ا ستشاري في الجراحة العامة.



تاسعا : ماهي المشاكل والعقبات اللي ممكن تواجه الممتحن ؟

أولا : طبعا التكاليف .
ثانيا: لازم الممتحن يكون نيابته جراحة يعني مينفعش يكون شغال باطنة مثلا ويروح يمتحن.
ثالثا: العقبة الكبرى هي السفر لانجلترا حيث ان الاولوية هناك للتدريب هي للانجليز اولا ثم لدول الاتحاد الاوربي ثم لدول الكومنولث ثم لباقي الدول.

عاشرا : اللي عنده اي استفسار في اي نقطة او اي سؤال يتفضل يسأل وربنا يوفق الجميع ان شاء الله

[img:5938]http://www.egymedicine.com/forums/images/smilies/09[1].gif[/img:5938]
منقوووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عز الرجال
طبيب جديد
طبيب جديد


ذكر عدد الرسائل : 2
الفرقة الدراسية أو العمل : الامتياز
الدولة :
تاريخ التسجيل : 21/09/2011

مُساهمةموضوع: ارجو افادتى   30.09.11 13:53

للو معاى زمالة امريكية المرحلة الاولى والتانية اى خطوات التقديم للزمالة للبريطانية شروط انى اخد زوجتى معاى فى امتحان المرحلة التالتة اادبلومة الامريكية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كل ما تريد عن الزمالة البريطانية في الجراحة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة الطب :: الدراسة وسنينها :: أطباء الإمتياز وحديثى التخرج-
انتقل الى: